Video

1 day ago

KOMF
𝗥𝗘𝗔𝗚𝗜𝗠Tragjedia në Prishtinë – Thirrje për përgjegjësi dhe mbrojtje të çdo fëmijeMe dhimbje të thellë dhe shqetësim, Koalicioni i OJQ-ve për Mbrojtjen e Fëmijëve – KOMF reagon pas lajmit tronditës për gjetjen e një foshnje të porsalindur të pajetë pranë një deponie në Prishtinë.Kjo ngjarje tragjike është një alarm i rëndë dhe i dhimbshëm për gjithë shoqërinë tonë, institucionet përgjegjëse dhe sistemin e mbrojtjes së fëmijëve. Asnjë foshnje, asnjë fëmijë, nuk duhet të lindë në rrethana të pasigurta, dhe mbi të gjitha, nuk duhet të përfundojë në këtë mënyrë të tmerrshme.KOMF bën thirrje për:• Hetim të plotë, të shpejtë dhe transparent nga organet e rendit për zbardhjen e rrethanave të këtij rasti, identifikimin e përgjegjësve dhe marrjen e denimeve sipas Kodit Penal të Republikës së Kosovës. • Vlerësim të funksionimit të mekanizmave parandalues për identifikimin dhe mbështetjen e nënave në situatë të rëndë sociale apo psikologjike, veçanërisht nënave të reja që mund të jenë të pambështetura dhe të painformuara për ndihmën që mund të marrin.• Fuqizim të masave parandaluese, përmes ofrimit të shërbimeve psiko-sociale, programeve të prindërimit, mbështetjes për shëndetin mendor dhe fushatave të ndërgjegjësimit që promovojnë dinjitetin dhe jetën e çdo fëmije.• Angazhim të menjëhershëm të institucioneve të mbrojtjes sociale, shëndetësore dhe të drejtësisë për të siguruar që asnjë rast i ngjashëm të mos përsëritet.KOMF i bën thirrje gjithashtu prindërve që të kërkojnë ndihmë në rast të vështirësive. Ndihma është e qasshme, mund të lajmëroheni në Qendrën për Punë Sociale në komunën që jetoni për të marrë shërbimet dhe mbështetjen e nevojshme. KOMF shpreh ngushëllimet më të thella dhe dhimbjen për këtë humbje tragjike! ... See MoreSee Less
View on Facebook

5 days ago

KOMF
💙Sot, në Ditën Ndërkombëtare të Familjes, ishim bashkë në sheshin “Zahir Pajaziti” me Drejtoria e Mirëqenies Sociale , Kryeqyteti Prishtina, Kryetarin Perparim Rama, Qendrën për Punë Sociale, Organizata për fëmijët pa kujdes prindëror - OFAP, SOS Fshatrat e Fëmijëve Kosovë, Institucioni i Avokatit të Popullit, fëmijët dhe partnerë të shumtë, në një debat të hapur për rëndësinë që ka familja në jetën e çdo fëmije. Këtë vit, fushata u mbajt nën moton “Familje për çdo fëmijë”, duke vënë në qendër të diskutimit rëndësinë e strehimit familjar – si një formë e ngrohtë, e qëndrueshme dhe njerëzore e mbrojtjes për fëmijët për të cilët jeta me prindërit ose të afërmit nuk është e mundur. ... See MoreSee Less
View on Facebook