KOMF in the media
KOMF launched MEGAFON
KOMF launched the platform for children and youth participation “MEGAFON” – a mechanism that provides an innovative and…
KOMUNIKATË PËR MEDIA ![]()
![]()
📢Sot, në Ditën e Konventës Ndërkombëtare për të Drejtat e Fëmijës, rikujtojmë se situata e të drejtave të fëmijëve në Kosovë mbetet shqetësuese. Sipas të dhënave më të fundit, 72% e fëmijëve përjetojnë forma të dhunshme të disiplinimit brenda familjes, ndërsa 5% e tyre janë të përfshirë në punë të rënda. Vetëm 10% e fëmijëve me aftësi të kufizuara marrin shërbime cilësore shëndetësore dhe sociale. Numri i përgjithshëm i përdoruesve të substancave narkotike ka kaluar 30,000, ndërkohë që çdo vit shtohet përqindja e fëmijëve dhe adoleshentëve përdorues. Jashtëzakonisht shqetësuese mbetet fakti se mosha mesatare e fillimit të përdorimit të drogave ka rënë nga 18 vjeç në vitin 2018, në 16 vjeç vitet e fundit. Kosova është renditur nga “PISA” në vendin e 76-të nga 80 vende pjesëmarrëse. Numri i të miturve të përfshirë si kryerës të veprave penale është rritur nga 3923 në vitin 2023 në 4872 në vitin 2024, që përfaqëson një rritje prej rreth 24.2%. ![]()
![]()
Gjatë vitit 2025, për shkak të mungesës së Kuvendit dhe Qeverisë, shumë procese që lidhen me mbrojtjen e të drejtave të fëmijëve kanë stagnuar. Reformat e domosdoshme për riorganizimin dhe fuqizimin e politikave sociale kanë ngecur, dhe vazhdon të mungojë miratimi i projektligjeve kyçe, përfshirë Projektligjin për ndihmën sociale, Projektligjin për të drejtat, vlerësimin, trajtimin dhe njohjen e statusit, shërbimet dhe përfitimet për personat me aftësi të kufizuar, Projekt kodin civil, etj. Të gjitha këto procese janë thelbësore për zbutjen e varfërisë së fëmijëve, fuqizimin e familjes dhe mbrojtjen e fëmijëve, me fokus të veçantë tek ata më të cenueshëm.![]()
![]()
Politikat në fushën e shëndetit të fëmijëve po ashtu kanë stagnuar. Ende nuk janë miratuar projektligje të rëndësishme, përfshirë Projektligjin për shëndetësi, Projektligjin për shëndetin mendor dhe Projektligjin për ndalimin e pijeve energjike për personat nën 18 vjeç. Këto vonesa ndikojnë drejtpërdrejt në shëndetin e fëmijëve, duke penguar qasjen e tyre në shërbime shëndetësore cilësore dhe kujdes të duhur.![]()
![]()
Ofruesit e shërbimeve rehabilituese dhe sociale për fëmijët, veçanërisht në Komunën e Prishtinës dhe në Komunën e Gjilanit, po përballen me vështirësi operative dhe rrezikojnë mbylljen për shkak të mosmiratimit të buxhetit, duke lënë pa mbrojtje dhe pa përkrahje shumë fëmijë në nevojë.![]()
![]()
KOMF kërkon që vendimmarrësit dhe institucionet të reflektojnë mbi peshën e përgjegjësisë së tyre. KOMF konsideron se ata duhet të marrin përgjegjësinë e tyre kushtetuese dhe ligjore për të vepruar urgjentisht për garantimin e mbrojtjes së të drejtave të fëmijëve. Çdo vendim që dështojnë ose vonojnë ta marrin për fëmijët është një barrë që ata e paguajnë me shëndetin, mirëqenien dhe shpesh me jetën e tyre.
Koalicioni i OJQ-ve për Mbrojtjen e Fëmijëve – KOMF dhe Terre des hommes - Kosovo mbajtën Trajnimin për Trajnerë tre ditorë për Modulin mbi Agjendën e Gjelbër, ku 19 trajnerë nga organizatat anëtare u certifikuan për këtë modul. Trajnimi u mbajt nga Agron Demi nga Atlas Institute.![]()
![]()
Ky trajnim pati për qëllim forcimin e kapaciteteve të organizatave për integrimin e perspektivës mjedisore në politikat dhe programet organizative. Objektivat e trajnimit ishin të pajisin pjesëmarrësit me njohuri për kornizën ndërkombëtare dhe vendore për Agjendën e Gjelbër, lidhjen mes Agjendës së Gjelbër dhe të drejtave të fëmijëve, politikat dhe instrumentet mjedisore dhe zhvillimi i politikave të brendshme, mjetet praktike dhe qasja bashkëkohore mbi Agjendën e Gjelbër, zhvillimin e qëndrueshëm dhe mundësitë për veprim e avokim në nivel lokal e kombëtar.
Në Ditën Evropiane për Mbrojtjen e Fëmijëve nga Shfrytëzimi dhe Abuzimi Seksual, ritheksojmë të gjeturat kryesore të Vlerësimit të fundit të KOMF për Mbrojtjen e Fëmijëve Viktima dhe Dëshmitarë të Abuzimit dhe formave të ndërlidhura. ![]()
![]()
Pavarësisht përparimeve në ndërtimin e pjesshëm të sistemit të drejtësisë dhe mbrojtjes së fëmijëve, vlerësimi ka identifikuar se zbatimi i Ligjit për Mbrojtjen e Fëmijës dhe Kodit të Drejtësisë për të Mitur, në pjesën që rregullon mbrojtjen e fëmijëve viktima apo dëshmitarë, mbetet i kufizuar dhe nuk përputhet plotësisht me qëllimet e ligjvënësit dhe standardet ndërkombëtare. Mungesa e njohurive të duhura për këto dy ligje, vonesat e konsiderueshme në nxjerrjen e akteve nënligjore të Ligjit për Mbrojtjen e Fëmijës, mos-themelimi i shtëpive për mbrojtjen e fëmijëve, mungesa e një linje telefonike funksionale për raportim dhe mbështetje, si dhe zbatimi i mangët i dispozitave që parashohin masa mbrojtëse për fëmijët viktima dhe dëshmitarë, kanë ndikuar dukshëm në efektivitetin e punës së profesionistëve. Si pasojë, mbrojtja adekuate e fëmijëve viktima apo dëshmitarë është vënë në pikëpyetje serioze, duke rrezikuar cenimin e të drejtave të tyre dhe ekspozimin e tyre ndaj viktimizimit të mëtejshëm.![]()
![]()
Lexoni vlerësimin e plotë: komfkosova.org/wp-content/uploads/2025/09/Mbrojtja-e-femijeve-viktima-dhe-deshmitare.pdf