Video - Komf Kosova

➖KOMF në partneritet me zyrën e Unicef Kosovo Programme mbajti tryezën konsultuese: “Organizimi, përgjegjësitë, lloji dhe numri i profesionistëve, si dhe funksionimi i Qendrës për Punë Sociale”. Përfaqësuesit nga Qendrat për Punë Sociale, Drejtoritë Komunale për Mirëqenie Sociale, Ministria e Drejtësisë dhe sektori jo-qeveritar, sollën këndvështrimet rreth modaliteteve për riorganizimin dhe funksionimin e QPS-ve, përgjegjësitë, llojin dhe numrin e profesionistëve të QPS-ve, përcaktimin e formulës së punësimit të zyrtarëve në QPS konform numrit të popullësisë dhe numrit të rasteve, për t’i kontribuar procesit të hartimit të Udhëzimit Administrativ për organizimin, përgjegjësitë, llojin dhe numrin e profesionistëve, si dhe funksionimin e Qendrës për Punë Sociale. Ligji për Shërbimet Sociale dhe Familjare, miratuar në dhjetor 2023, ka hapur zyrtarisht rrugën drejt reformës së shërbimeve sociale në Kosovë. Ligji i ri pritet të sigurojë që fëmijët, familjet dhe qytetarët në nevojë të marrin shërbime sociale dhe familjare cilësore e të qëndrueshme. Ky ligj parasheh që Qendrat për Punë Sociale duhet të kenë kapacitete të forta profesionale dhe organizative, për të marrë përsipër përgjegjësinë për mbrojtjen e interesit më të mirë të fëmijëve dhe familjeve. Ky ligj parasheh hartimin e Udhëzimit Administrativ për organizimin, përgjegjësitë, llojin dhe numrin e profesionistëve, si dhe funksionimin e Qendrës për Punë Sociale. KOMF në partneritet me UNICEF do të mbështesin Ministrinë e Drejtësisë në hartimin e këtij udhëzimi administrativ.Në Kosovë ekzistojnë 38 Qendra për Punë Sociale, në 38 komuna me rreth 404 zyrtarë, prej tyre rreth 164 janë zyrtarë të shërbimeve sociale. Qendrat për Punë Sociale janë organet kryesore të autoriteteve publike komunale të mandatuara për të ofruar shërbime sociale për fëmijët dhe familjet në nevojë dhe për të koordinuar sistemin e integruar të shërbimeve.Qendrat për Punë Sociale ballafaqohen me shumë sfida në aspektin organizativ dhe funksional. QPS sipas legjislacionit në fuqi kryen edhe funksionin e Organit të Kujdestarisë, ku vështirësi të shumta janë identifikuar në këtë aspekt. Po ashtu, QPS-të nuk kanë burimet e nevojshme njerëzore dhe financiare për të ndërhyrë me shërbimet e nevojshme, prandaj shërbimet e tyre nuk arrijnë të gjitha familjet në nevojë. QPS-të janë të ngarkuara me raste emergjente, duke lënë mënjanë shërbimet parandaluese, shërbimet përcjellëse dhe arritjen/ruajtjen e cilësisë së ofrimit të shërbimeve. Kjo është pasojë jo vetëm e numrit të pamjaftueshëm të stafit të QPS-ve në krahasim me rastet në nevojë, por edhe për shkak të mos vendosjes së formulës për numrin e zyrtarëve të shërbimeve social të nevojshëm, në raport me numrin e popullsisë apo numrin e rasteve dhe mungesës së profilizimit profesional brenda QPS-ve.Udhëzimi Administrativ për organizimin, përgjegjësitë, llojin dhe numrin e profesionistëve, si dhe funksionimin e Qendrës për Punë Sociale pritet të fuqizojë Qendrat për Punë Sociale dhe të ndikojë në rritjen e cilësisë së shërbimeve. ... See MoreSee Less

MBËSHTETUR NGA

ANËTAR NË CHILDPACT

ANËTAR NË EUROCHILD

KONTAKTI

Na ndiqni