KOMF është duke mbështetur hartimin e Kurrikulës për Fëmijë për sistemin e drejtësisë për fëmijë në kuadër të Akademisë së Drejtësisë.

Qëllimi i përgjithshëm i kurrikulës është të forcojë sistemin e drejtësisë për fëmijët dhe të miturit në Kosovë, të përmirësojë njohuritë dhe aftësitë e profesionistëve të drejtësisë në lidhje me të drejtat e fëmijëve, drejtësinë e të miturve dhe procedurat ligjore që ndikojnë tek ta. Kjo përfshin njohuri për standardet ndërkombëtare dhe evropiane, si dhe praktikat më të mira për trajtimin e çështjeve të fëmijëve dhe të miturve në sistemin e drejtësisë.

Programi i ri mësimor do të përqendrohet në:

• Të drejtat e fëmijëve: Të sigurojë që profesionistët e drejtësisë të kuptojnë plotësisht të drejtat e fëmijëve dhe të jenë në gjendje t’i mbrojnë ato në mënyrë efektive.
• Drejtësinë e të miturve: Të pajisë profesionistët me njohuritë dhe aftësitë e nevojshme për të trajtuar çështjet e të miturve në përputhje me parimet e drejtësisë, duke u përqëndruar në rehabilitimin dhe riintegrimin e tyre në shoqëri.
• Teknikat e intervistimit dhe komunikimin miqësor me fëmijët: Të ndihmojë profesionistët të zhvillojnë aftësi të forta komunikimi me fëmijët, duke krijuar një mjedis të sigurt dhe mbështetës ku fëmijët ndihen të qetë për të ndarë përvojat e tyre.

Ky përmirësim i kurrikulës synon të krijojë një sistem të drejtësisë më të drejtë dhe efektiv për fëmijët dhe të miturit në Kosovë.

Ky Program Kurrikular do ti dedikohet profesionistëve të sistemit të drejtësisë për fëmijë dhe të mitur, konkretisht gjyqtarët, prokurorët, avokatët, oficerët e policisë dhe punonjësit socialë që punojnë me fëmijët, mbrojtësit e viktimave dhe zyrtarët sprovues.

Kurrikula do të përbëhet prej 13 moduleve si vijon:

Pjesa e përgjithshme:

Moduli 1: Korniza ligjore ndërkombëtare dhe kombëtare për të drejtat e fëmijëve dhe drejtësinë për të mitur

Moduli 2: Psikologjia e zhvillimit të fëmijëve dhe të adoleshentëve

Moduli 3: Komunikimi dhe intervistimi me fëmijët

Moduli 4: Vlerësimi i rrezikut dhe nevojave të fëmijëve

Pjesa Penale:

Moduli 5: Procedurat gjyqësore për fëmijët dhe të miturit

Moduli 6: Masat e diversitetit dhe masat edukative

Moduli 7: Mbrojtja e fëmijëve pa përgjegjësi penale dhe ndërmjetësimi

Moduli 8: Mbrojtja e fëmijëve viktima dhe dëshmitarë

Moduli 9: Veprat penale kundër integritetit seksual

Pjesa Civile: 

Moduli 10: Mbrojtja gjyqësore e të drejtave të fëmijëve në procedurën kontestimore dhe jo kontestimoe

Moduli 11: Format alternative të mbrojtjes së fëmijës

Moduli 12: Mbrojtja e të drejtave të fëmijëve në procedurat e shkurorëzimit

Moduli 13: Të drejtat e fëmijëve në procedurat e trashëgimisë