KOMF mbajti takimin e radhës të Grupit Tematik për Shëndetësi.

Gjatë këtij takimi u finalizua politika rekomanduese për shëndetin e fëmijëve e cila do t’i drejtohet Ministrisë së Shëndetësisë dhe komunave të Republikës së Kosovës.

Kjo politikë rekomanduese u hartua nga Grupi Tematik për Shëndetësi në KOMF dhe përfshin çështjet kryesore të shëndetit të fëmijëve, që kanë nevojë për adresim emergjent si:

• Gjidhënia, imunizimi dhe shërbimet shëndetësore për fëmijët në kujdesin parësor
• Shërbimet shëndetësore për fëmijët në kujdesin terciar
• Shërbimet shëndetësore për fëmijët e komuniteteve
• Mbrojtja e fëmijëve nga abuzimi me narkotikë, duhan dhe pije energjike
• Mbrojtja e shëndetit mendor të fëmijëve
• Mbrojtja e fëmijëve nga ndotja e ajrit
• Furnizimi me barna dhe Lista e Barnave Esenciale
• Ligji për Sigurime Shëndetësore
• Integrimi i shërbimeve shëndetësore sociale dhe arsimore
• Blerja e shërbimeve shëndetësore nga sektori jo qeveritar dhe privat.